Milan Monitoron Sulmuesin Nicolo Tresoldi për Transferim të Mundshëm

Milani është një nga klubet që po e ndjek nga afër sulmuesin e kërkuar të Club Brugge, Nicolo Tresoldi, në prag të një transferimi të mundshëm gjatë verës së ardhshme.

Pronari i Milanit, Gerry Cardinale, është mahnitur nga potenciali i 22-vjeçarit nga Gjermania dhe dëshiron ta sigurojë transferimin e tij në “San Siro”.

Tresoldi së fundmi ka qenë në qendër të vëmendjes pasi realizoi një het-trik kundër Interit në Ligën e Kampionëve, duke e çuar në nëntë numrin e golave të shënuar në 11 ndeshje këtë sezon.

Një nga përparësitë më të mëdha të Milanit në këtë garë është fakti se sulmuesi është një tifoz i kahershëm i “Rossonerëve”.

Babai i Tresoldit ka zbuluar se ëndrra e djalit të tij është të veshë fanellën e Milanit, duke theksuar se një ofertë nga Interi nuk do të pranohej kurrë.

Roma kishte tentuar ta transferonte sulmuesin gjatë verës së kaluar, duke bërë një ofertë prej 35 milionë eurosh, por Club Brugge e kishte refuzuar atë.

Megjithatë, vlera e Tresoldit tani është rritur ndjeshëm dhe tashmë raportohet se ka kaluar shifrën e 50 milionë eurove, falë formës së shkëlqyer që po kalon.