Ministri në detyrë i Mbrojtjes, Ejup Maqedonci, ka bërë të ditur se është nënshkruar Memorandumi i Bashkëpunimit ndërmjet Ministrisë së Mbrojtjes dhe Universitetit të Prishtinës, me qëllim të forcimit të lidhjes ndërmjet dy institucioneve.
Përmes këtij partneriteti do të krijohen mundësi të reja për studime, analiza, projekte kërkimore, trajnime profesionale dhe përfshirjen e ekspertizës akademike në zhvillimin e politikave dhe kapaciteteve të mbrojtjes.
Pas vendosjes së themeleve të industrisë së mbrojtjes, bashkëpunimi me Universitetin e Prishtinës është i rëndësishëm për krijimin e kapaciteteve vendore në prodhimin e armatimit, municioneve dhe sistemeve tjera të mbrojtjes.
Studentët, inxhinierët dhe ekspertët e ardhshëm do të kenë rol kyç në zhvillimin e teknologjisë, inovacionit dhe kapaciteteve prodhuese që i nevojiten Kosovës për forcimin e mbrojtjes dhe sigurisë.
Ministri Maqedonci ka deklaruar: ‘Universiteti dhe mbrojtja, së bashku në shërbim të Republikës.’ Burimi origjinal i informacionit: zeri.info
