Konsullata e Përgjithshme e Kosovës në Stamboll ka bërë apel për qytetarët që ndodhen atje, duke i këshilluar të kenë kujdes për shkak të reshjeve të dendura që po ndikojnë në zonë, duke rritur rrezikun nga përmbytjet.
Qytetarët inkurajohen të shmangin zonat e përmbytura, nënkalimet dhe rrugët ku ka grumbullim uji, si dhe t’i kufizojnë lëvizjet e panevojshme gjatë këtyre kushteve atmosferike. Është thelbësore të ndiqni udhëzimet e autoriteteve lokale për të garantuar sigurinë tuaj. “Për sigurinë tuaj, ju rekomandojmë të qëndroni të informuar përmes burimeve zyrtare dhe të tregoni kujdes të shtuar gjatë lëvizjes në qytet.
Për raste emergjente, mund të kontaktoni në numrin: +90 531 105 63 91”, thuhet në njoftim.
Burimi origjinal i informacionit: zeri .info
