John Galliano ka anuluar një ekspozitë të rëndësishme që do t’i kushtohej punës së tij si dizajner mode, pasi ajo u përball me kritika për shkak të dënimit të tij të mëparshëm për deklarata antisemitike.
Muzeu Metropolitan i Artit në New York, The Met, kishte njoftuar organizimin e ekspozitës me titull “John Galliano: Horizons”, e cila ishte planifikuar të hapej në maj të vitit 2027.
Megjithatë, Galliano njoftoi se kishte vendosur ta anulonte ekspozitën duke thënë: “Pas shumë reflektimi dhe diskutimesh kam vendosur, me shumë trishtim, se është më mirë që ekspozita të mos zhvillohet në këtë moment.” Dizajneri britanik u shkarkua nga posti i drejtorit kreativ të Dior-it në vitin 2011 pasi u shpall fajtor për abuzim verbal ndaj një kuratoreje hebreje në një restorant në Paris.
Galliano tha se vazhdon të mbajë përgjegjësi për dhimbjen e shkaktuar nga fjalët e tij në të kaluarën, veçanërisht për lëndimin që u ka shkaktuar komuniteteve hebraike dhe aziatike.
Burimi origjinal i informacionit: telegrafi .com
