Jaclyn Smith, Kate Jackson dhe Cheryl Ladd u ribashkuan në ceremoninën e Emmy 2026, 50 vjet pas premierës së ‘Charlie’s Angels’.
Treshja tërhoqi vëmendjen me paraqitjen e tyre elegante dhe pamjen rinore.
Ribashkimi i tyre u prit me entuziazëm nga fansat, ndërsa ato shfrytëzuan momentin për të kujtuar bashkë-yllin e ndjerë, Farrah Fawcett. ‘Është një nder të jem këtu sonte për të prezantuar çmimet Emmy për seriale drame’, i tha Jackson audiencës, ndërsa Ladd shtoi: ‘Dhe për të festuar 50-vjetorin e Charlie’s Angels’.
Smith më pas foli për Fawcett, e cila ishte pjesë e kastit origjinal të serialit dhe u nda nga jeta në vitin 2009, në moshën 62-vjeçare. ‘Do të doja të falënderoja dikë që nuk është me ne sonte, dhe ai është mikja ime Farrah Fawcett’, tha ajo.
Jackson e kujtoi Fawcett si ‘engjëllin më të shndritshëm nga të gjithë’, ndërsa Ladd iu referua posterit ikonik të aktores, i cili mbetet një nga imazhet më të njohura të serialit. ‘Charlie’s Angels’ debutoi në vitin 1976 dhe u bë një fenomen televiziv, duke ndjekur tre detektive private që punonin për një milioner të quajtur Charlie.
Burimi origjinal i informacionit: telegrafi .com
