Inspektorati Qendror i Mbikëqyrjes së Tregut (IQMT) po kryen inspektime ndaj udhërrëfyesve turistikë që nuk kanë licencë në Kosovë.
Kontrollet po zhvillohen në Prizren, Prishtinë dhe Obiliq për të parandaluar dhe zbuluar rastet e ushtrimit të paligjshëm të veprimtarisë së udhërrëfyesit turistik.
Personat e palicencuar rrezikojnë të ndëshkohen me gjobë deri në 9,000 euro.
IQMT-ja thekson se angazhimi i udhërrëfyesve të palicencuar mund të ndikojë në prezantimin e historisë dhe trashëgimisë kulturore të Kosovës.
Operatorët turistikë janë inkurajuar të punësojnë udhërrëfyesit e licencuar për të siguruar një udhëtim të suksesshëm për vizitorët. /Zëri Burimi origjinal i informacionit: zeri .info
