Deputeti i Aleancës, Ramush Haradinaj, ka shprehur mendimin e tij se, edhe sikur të kishte mundësinë të kthehej në kohën kur u miratua themelimi i Gjykatës Speciale, sërish nuk do ta mbështeste atë.
Në një intervistë për Kanal10, Haradinaj theksoi se edhe sot do t’u kërkonte deputetëve që të mos e votojnë një gjykatë të tillë. “Edhe po të kthehesha prapë në kohë, prapë do t’u kërkoja të gjithëve mos me e votu një gjykatë të tillë, për shkak se një gjykatë e një etnie që nuk i ndjek kryesit e krimeve që kanë ndodhë në luftë, po i ndjek vetëm shqiptarët, ka qenë disi e palogjikshme”, theksoi Haradinaj.
Ai theksoi se mënyra se si është trajtuar përgjegjësia për krimet e luftës ka qenë arsyeja kryesore që e ka shtyrë atë të kundërshtojë themelimin e kësaj gjykate.
Burimi origjinal i informacionit: zeri .info
