Në fjalën e tij, Hamza theksoi se ata që edukojnë dhe formësojnë brezat e rinj nuk duhet të përballen me pasiguri ekonomike apo mungesë vlerësimi nga shteti. “Mësuesit nuk duhet të mendojnë nëse u del paga për të kaluar muajin.
Arsimtarët dhe profesorët nuk duhet të ndihen të nënvlerësuar.
Punëtorët e arsimit duhet të kenë siguri dhe dinjitet në punën e tyre”, tha Hamza.
Ai u zotua se me PDK-në në qeveri, arsimi do të trajtohet si prioritet kombëtar dhe se mësimdhënësit do të mbështeten me paga më të larta, kushte më të mira pune dhe vlerësimin që meritojnë për kontributin e tyre në zhvillimin e vendit. “STOP krizës, PO ndryshimit!
PO ndryshimit për një arsim që i respekton mësimdhënësit dhe e mbështet çdo punëtor të dijes: me paga më të larta, me kushte më të mira dhe me vlerësim të merituar për punën e tyre”, theksoi Hamza.
Takimi me komunitetin e arsimit është pjesë e aktiviteteve të fushatës së PDK-së për zgjedhjet e 7 qershorit, nën moton “Stop Krizës.
Ndrysho Kosovën!”.
