Hailey Bieber po përballet me kritika në rrjetet sociale pas deklaratave të saj se nuk është e interesuar për konsum të tepërt në industrinë e bukurisë, ndonëse marka e saj Rhode është vënë në shënjestër për numrin e madh të produkteve dhe aksesorëve që ofron.
Gjatë Samitit të Grave më të Fuqishme të revistës Fortune, modelja ndau filozofinë që qëndron pas markës së saj, e cila u lançua në vitin 2022 me vetëm tri produkte.
Sipas saj, qëllimi ka qenë krijimi i produkteve të domosdoshme, cilësore dhe të dobishme për rutinën e përditshme, në vend të lançimit të vazhdueshëm të artikujve të rinj.
Bieber theksoi se nuk dëshiron të nxjerrë produkte vetëm për të pasuruar koleksionin e markës, por për të krijuar artikuj që ajo vetë i përdor dhe i konsideron pjesë të rutinës së saj.
Ajo shtoi se, megjithatë, nëse një biznes do të jetë financiarisht i shëndetshëm, është po aq e rëndësishme të ruhet filozofia fillestare e Rhode.
Sidoqoftë, deklaratat e saj kanë rikthyer diskutimet për produktet dhe aksesorët e markës, përfshirë mbajtëset e telefonit me hapësirë për shkëlqyesin e buzëve dhe aksesorët për produktet e grimit, të cilat disa konsumatorë i kanë kritikuar si të tepërta.
Burimi origjinal i informacionit: telegrafi .com
