Dy mjekë shqiptarë në Gjermani shprehin dëshirën për të kontribuar në sistemin shëndetësor të Kosovës

Dy mjekë shqiptarë, Erlind dhe Vjosa Kadriu, që jetojnë dhe punojnë në Gjermani, kanë rrëfyer sfidat e jetës profesionale jashtë vendit, por edhe dëshirën e madhe për t’u kthyer një ditë në Kosovë dhe për të kontribuar në sistemin shëndetësor të vendit.

Përkundër karrierës së ndërtuar në Gjermani, ata thonë se lidhja me Kosovën nuk është shkëputur asnjëherë dhe se gjithmonë kanë pasur dëshirë të ndihmojnë pacientët shqiptarë.

Doktor Kadriu tregoi se gjatë verës kishte ardhur në Kosovë ku kishte trajtuar pacientë në mënyrë vullnetare dhe kishte bashkëpunuar me kolegët vendorë.