Deputeti i Aleancës, Burim Ramadani, ka kërkuar nisjen e hetimeve për veprimet e Policisë së Kosovës gjatë protestës që u mbajt sonte në Prishtinë në lidhje me Ligjin e Dhomave të Specializuara.
Në një postim në Facebook, Ramadani theksoi nevojën për raportim urgjent nga ana e Drejtorit të Policisë për masat e ndërmarra sot, si dhe për aktivizimin dhe hetimet e Kryeshefit të Inspektoratit Policor.
Ai po ashtu e vlerësoi sjelljen e Policisë si joproporcionale dhe kërkoi që Inspektorati Policor të bëjë një analizë të detajuar të Planit Operativ, pajisjeve dhe nivelit të forcës së përdorur.
Si anëtar i Komisionit për Çështje të Sigurisë dhe Mbrojtjes, Ramadani shprehu se, nëse ky Parlament do të funksionojë, do të kërkojë raportimin urgjent të Drejtorit të Policisë për masat e ndërmarra pasditen e djeshme, dhe gjithashtu do të kërkojë llogari nga Kryeshefi i Inspektoratit Policor.
Ai theksoi se, edhe nëse Parlamentit nuk i jepet mundësia të funksionojë pas zgjedhjeve, askush nuk duhet të mendojë se do të ikë nga përgjegjësia. “Nuk harrohen gabimet!
Nuk mund të falen ato!” ka përfunduar ai.
Burimi origjinal i informacionit: zeri .info
