Beyonce ka befasuar fansat me këngën e saj të re, ‘Morning Dew (Donk)’, duke shënuar rikthimin e saj muzikor pas dy vitesh.
Projekti u publikua gjatë fundjavës së festimeve të 4 Korrikut dhe është materiali i parë i ri që nga albumi ‘Cowboy Carter’ i vitit 2024, i cili u vlerësua gjerësisht nga kritika.
Kënga është realizuar në bashkëpunim me Pharrell Williams, The-Dream dhe Darius Dixon.
Ajo shoqërohet edhe me një fotografi promovuese ku këngëtarja shfaqet e shtrirë në rërë, e veshur me bikini.
Fansat më besnikë e njohën menjëherë titullin ‘Donk’, pasi një version i papublikuar i kësaj kënge kishte qarkulluar në internet që në vitin 2013, por nuk ishte përfshirë kurrë në albumin e saj të atij viti.
Publikimi i papritur shkaktoi reagime të shumta në rrjetet sociale, ku ndjekësit e Beyonce shprehën entuziazmin për rikthimin e artistes.
Shumë prej tyre spekuluan se kjo mund të jetë shenja e parë e një projekti më të madh muzikor ose e një edicioni special për 20-vjetorin e albumit ‘B’Day’.
Pak muaj më parë, në prill, Beyoncé shënoi edhe 10-vjetorin e albumit të saj ikonik ‘Lemonade’, duke kujtuar projektin që u kthye në një nga sukseset më të mëdha të karrierës së saj.
Burimi origjinal i informacionit: telegrafi .com
