Fadil Pushkolli, ish-pjesëtar i Ushtrisë Çlirimtare të Kosovës (UÇK), ka njoftuar se është arrestuar në pikën kufitare Bllacë–Elez Han, në territorin e Maqedonisë së Veriut.
Sipas Pushkollit, arrestimi është kryer në bazë të një urdhërarresti të lëshuar nga autoritetet serbe.
Në një njoftim, ai shprehu se arrestimi lidhet me të kaluarën e tij si pjesëtar i UÇK-së. “Dëshiroj t’ju njoftoj se jam arrestuar në pikën kufitare Bllacë–Elez Han, në territorin e Maqedonisë së Veriut, bazuar në një urdhër të lëshuar nga autoritetet serbe,” tha ai.
Pushkolli u ka bërë thirrje institucioneve të Kosovës që të ndërmarrin menjëherë masat e nevojshme për trajtimin e rastit dhe për mbrojtjen e të drejtave të tij.
Deri tani, nuk janë dhënë detaje të tjera në lidhje me urdhërarrestin apo procedurat që do të ndiqen ndaj tij.
Burimi origjinal i informacionit: zeri .info
