Deputeti i Lidhjes Demokratike të Kosovës, Avdullah Hoti, ka reaguar ndaj ministres së drejtësisë, Donika Gërvalla, dhe ministrit të punëve të brendshme, Xhelal Sveçla, pas deklaratave të tyre në konferencën e mbajtur sot lidhur me rastin e vdekjes së Arlinda Zekajt.
Në një postim në Facebook, Hoti theksoi se “hallkat” nuk dështojnë vetë, por ato dështojnë nga ata që i drejtojnë.
Sipas tij, “hallkat” kanë emër, duke shtuar se llogaridhënia nuk është thjesht një raport, por dorëheqje. “Hallkat nuk dështojnë vetë.
I dështojnë ata që i drejtojnë.
Gjashtë vjet në pushtet, zoti Sveçla.
Gjashtë vjet përgjegjësi për mbrojtjen e grave, zonja Gërvalla.
Arlinda ju dërgoi sinjalet.
Ju i latë të kalonin.
Dhjetë minuta pas lënies në shtëpi nga organet e rendit, ajo ishte e vdekur.
Sot fshihuni pas ‘hallkave’.
Por hallkat kanë emër.
Kanë ministër.
Llogaridhënia nuk është raport. Është dorëheqje.” Burimi origjinal i informacionit: zeri .info
