- Advertisement -
Qendra për Informim, Kritikë dhe Aksion – QIKA ka bërë të ditur se sot në orën 13:30 do të organizojë një aksion simbolik përpara Qeverisë së Kosovës, me qëllim që të adresojë rastin e tragjik të vrasjes së Arlinda Sylaj-Zekaj.
Sipas njoftimit, ky aksion do të shoqërohet edhe me një konferencë për media.
Arlinda Sylaj-Zekaj, e cila humbi jetën të dielën në mbrëmje nga kunati i saj, kishte paralajmëruar tri ditë përpara ngjarjes institucionet për rrezikun që i kanosej jetës.
Ajo kishte dërguar një letër prokurores në Pejë, në të cilën kërkonte me urgjencë marrjen e masave ndaj atyre që, siç kishte theksuar, kishin dështuar në përmbushjen e detyrave të tyre për të mbrojtur jetën e saj.
Burimi origjinal i informacionit: zeri .info
- Advertisement -
