- Advertisement -
Dallimet në çmimet e karburanteve po nxisin shoferët në zonat kufitare të Zvicrës të furnizohen në vendet fqinje, ku çmimet janë më të favorshme.
Në jug të vendit, afër kufirit me Italinë, shoferët zviceranë po kalojnë kufirin për të mbushur benzinën më të lirë, ndërsa në veri, në zonën kufitare me Gjermaninë, situata është e kundërt.
Sipas një reportazhi të televizionit publik zviceran SRF, në Vacallo, kantoni i Ticinos, pranë kufirit italian, pikat e karburantit po përballen me një rënie të numrit të klientëve, pasi ulja e përkohshme e taksës mbi karburantet në Itali ka bërë që furnizimi atje të jetë më ekonomik.
- Advertisement -
