Aktorja e njohur dhe fituese e çmimit Oscar, Hilary Swank, tani 52 vjeçe, ka ndarë se si arriti ta mbante private shtatzëninë e saj të tretë deri në muajin e shtatë.
Ajo dhe bashkëshorti i saj, Philip Schneider, janë duke pritur fëmijën e tyre të tretë.
Swank ka zbuluar se privatësia e banorëve të qytetit ku jeton ka luajtur një rol të rëndësishëm në ruajtjen e këtij sekreti.
Gjatë një interviste në podkastin “Question Everything”, ajo ka treguar se njerëzit në qytetin e vogël ku është rritur gjithmonë e kanë respektuar jetën e saj private.
Ajo përmendi se nuk kishte pasur nevojë të qëndronte mbyllur në shtëpi për të shmangur vëmendjen, duke vazhduar punën deri rreth javës së 17-të të shtatzënisë. “Nuk ndjeva nevojën ta bënte lajmin publik më herët, pasi preferoj ta mbaj jetën time personale larg vëmendjes,” tha ajo.
Swank e përshkroi shtatzëninë si një zhvillim që erdhi në momentin e duhur për të, duke theksuar se jo gjithçka ndodh sipas planeve apo afateve që njerëzit vendosin për veten.
Swank dhe Schneider u bënë prindër të binjakëve, Aya dhe Ohm, në prill të vitit 2023, kur aktorja ishte 48 vjeçe.
Në intervista të mëparshme, ajo ka treguar se kishte ngrirë vezët në moshën 37-vjeçare, duke e konsideruar këtë një mundësi të rëndësishme për të ardhmen.
Ylli i Hollywood-it ka thënë se përvoja e të qenit nënë në një moshë më të pjekur e ka ndihmuar të jetë më e pranishme në jetën e fëmijëve.
Burimi origjinal i informacionit: telegrafi .com
