Presidentja e Kosovës, Shiroka-Pula, u ka bërë thirrje shqiptarëve nga Presheva, Medvegja dhe Bujanoci që jetojnë në Kosovë, që të marrin pjesë në zgjedhjet parlamentare të parakohshme, të cilat do të mbahen të dielën, më 25 tetor.
Në mesazhin e saj, ajo thekson rëndësinë e votimit dhe bashkimit politik për përfaqësimin e shqiptarëve në Parlamentin e Serbisë. “Bashkimi është çelësi i përfaqësimit më të fuqishëm politik.
Prandaj, bashkë në listë dhe bashkë në votim.
Për më shumë deputetë shqiptarë në Parlamentin e Serbisë,” thotë presidentja.
Shiroka-Pula thekson se çdo votë ka rëndësi për mbrojtjen e të drejtave, dinjitetit dhe interesave të shqiptarëve në Preshevë, Medvegjë dhe Bujanoc.
Ajo nënvizon se pjesëmarrja në zgjedhje është një kontribut i drejtpërdrejtë në përfaqësimin politik dhe në përmirësimin e pozitës së shqiptarëve në këto tri komuna. “Të bashkuar në përfaqësim, më të fuqishëm në mbrojtjen e të drejtave tuaja!” përfundon mesazhi i presidentes.
Burimi origjinal i informacionit: zeri .info
