Ambasada e Francës në Kosovë e ka vlerësuar si një moment të rëndësishëm për gratë në media faktin se tri gra mbajnë njëkohësisht pozitat më të larta drejtuese në Radio Televizionin e Kosovës.
Në një postim në Facebook, Ambasada ka përmendur Zana Spahiun, drejtoreshë të përgjithshme të RTK-së, Arta Avdiun, drejtoreshë të Televizionit të RTK-së dhe Aleksandra Jovanoviqin, drejtoreshë të RTK2.
Sipas Ambasadës së Francës, ky është një moment i rëndësishëm për përfaqësimin e grave në sektorin medial në Kosovë.
Ambasada u ka uruar suksese në ushtrimin e detyrave të tyre, duke theksuar rëndësinë e një transmetuesi publik profesional, të pavarur, pluralist dhe multietnik. “Ju dëshirojmë shumë suksese në përgjegjësitë e reja dhe në përmbushjen e misionit në shërbim të një medie publike profesionale, të pavarur, pluraliste dhe multietnike”, thuhet në urimin e ambasadës.
Burimi origjinal i informacionit: zeri .info
