Kryeministri i Kosovës, Albin Kurti, ka pranuar një letër urimi nga homologu i tij maltez, Robert Abela, pas rizgjedhjes në krye të Qeverisë.
Në letrën e tij, Abela shpreh gatishmërinë për të vazhduar bashkëpunimin mes dy vendeve, duke riafirmuar mbështetje të fortë për integrimin evropian të Kosovës. “Dua të riafirmoj mbështetjen e palëkundur të Maltës për aspiratat evropiane të Kosovës dhe t’ju uroj sukses teksa vendi juaj vazhdon të përparojë në rrugën evropiane”, ka shkruar Abela.
Ai gjithashtu thekson se Malta dhe Kosova kanë marrëdhënie të shkëlqyera dypalëshe dhe shpreh pritshmërinë për forcimin e mëtejmë të bashkëpunimit dhe lidhjeve të miqësisë mes dy vendeve.
Burimi origjinal i informacionit: zeri .info
