Kristen Stewart bëri një paraqitje të guximshme gjatë promovimit të filmit të ri “Full Phil” në Festivalin e Filmit në Kanë.
Aktorja u shfaq me një veshje gri transparente, të kombinuar me detaje me gurë dekorativë, ndërsa pozoi krah koleges së saj Emma Mackey.
Ylli i “Twilight” kishte zgjedhur një stil më të relaksuar me atlete sportive dhe flokë të stiluar në mënyrë androgjene, duke i dhënë paraqitjes së saj një pamje moderne.
Emma Mackey u shfaq elegante me një fustan të bardhë të ngushtë që vinte në pah linjat e saj, të kombinuar me taka të zeza klasike.
Dy aktoret pozuan së bashku gjatë foto thirrjes së komedisë së re “Full Phil”, ku në kast bën pjesë edhe Woody Harrelson.
