Protestë në Lipjan: Fermerët hedhin qumështin në lum për të shprehur pakënaqësinë me uljen e çmimit

Një grup prej më shumë se 100 fermerësh nga Lipjani, Komorani, Drenasi dhe Skenderaji kanë organizuar një protestë duke hedhur qumështin e tyre në lum.

Ata akuzojnë kompanitë grumbulluese se ua kanë reduktuar çmimin e qumështit, duke e ulur nga 45 centi në rreth 32-40 cent për litër.

Fermerët thonë se kjo situatë po ua vështirëson jetesën dhe financimin e shpenzimeve për prodhimin.

Protesta është mbështetur nga shumë banorë të zonës, të cilët janë solidarizuar me këtë çështje të rëndësishme për bujqësinë lokale.