Një individ në moshë rreth 31-vjeçare ka humbur jetën në orët e para të së martës në Gjakovë, si pasojë e plagëve të marra nga thika.
Zëdhënësi i policisë për rajonin e Gjakovës, Sheremet Elezaj, njoftoi se viktima ishte sulmuar pas një mosmarrëveshje në rrugën ‘Mbretëresha Teutë’.
Pas trajtimit mjekësor, ai ka ndërruar jetë.
Autoritetet kanë filluar hetimet për rastin e vrasjes dhe po ndërmarrin veprime për zbardhjen e rrethanave.
