Deklarata e Liderëve: Reformimi i OKB-së dhe Rritja e Prodhimit të Naftës

0
34
- Advertisement -

Presidenti amerikan, Donald Trump, lideri kinez, Xi Jinping, dhe presidenti rus, Vladimir Putin, kanë lëshuar një deklaratë të përbashkët me katër pika pas samitit të tyre trepalësh.

Në këtë deklaratë, tri fuqitë angazhohen për të mbështetur reformimin e Kombeve të Bashkuara, me qëllim që organizata të jetë më efektive në përballjen me sfidat globale dhe në realizimin e misionit të saj kryesor për ruajtjen e paqes dhe sigurisë ndërkombëtare.

Liderët gjithashtu janë pajtuar për rritjen e prodhimit dhe furnizimit me produkte të rafinuara të naftës, “në të mirë të të gjitha kombeve”, duke riafirmuar rëndësinë e qëndrueshmërisë së furnizimeve me energji.

Ky angazhim vjen pavarësisht sanksioneve ndërkombëtare që kanë qenë të vendosura ndaj shitjes së naftës ruse.

Një tjetër pikë e deklaratës thekson rëndësinë e respektimit të sovranitetit shtetëror dhe imunitetit të zyrtarëve shtetërorë.

Në këtë kontekst, tre liderët shprehën se Gjykata Penale Ndërkombëtare (GJPN) dhe institucionet e ngjashme nuk duhet të keqpërdorin juridiksionin e tyre.

- Advertisement -
- Advertisement -

LEAVE A REPLY

Please enter your comment!
Please enter your name here