Deputeti i Partisë Demokratike të Kosovës (PDK), Jakup Nura, ka theksuar nevojën për një mobilizim institucional dhe angazhim të vazhdueshëm nga institucionet e Kosovës në lidhje me Gjykatën Speciale.
Gjatë seancës së Kuvendit, ai shprehu se kjo çështje duhet të kalojë përtej deklaratave publike dhe të bëhet pjesë e një angazhimi të koordinuar shtetëror. “Gjykata Speciale na është imponuar për gjykimin e Kosovës dhe të krenarisë së saj.
Në vend që trekëndëshi t’i bëhej Serbisë fashiste, e cila shkaktoi të gjitha luftërat ndaj Jugosllavisë dhe vrau me dhjetëra mijëra qytetarë të pafajshëm, kryesisht gra, pleq dhe fëmijë.
Prandaj, me të drejtë, kërkojmë nga të gjitha institucionet e vendit që Gjykatën Speciale ta kenë në fokus kryesor angazhimin e tyre.
Duhet mobilizim institucional dhe përgjegjësi shtetërore.
Kjo çështje nuk duhet të mbetet vetëm temë e deklaratave publike, por duhet të jetë pjesë e një angazhimi të vazhdueshëm dhe të koordinuar.
Në veçanti, Ministria e Punëve të Jashtme duhet të ketë këtë çështje ndër prioritetet kryesore: diplomacia e Kosovës në bashkëpunim ngushtë me diplomacinë shqiptare.
Duhet të jenë shumë më aktive ta shfrytëzojnë të gjitha mundësitë diplomatike dhe të punojnë vazhdimisht në informimin e partnerëve ndërkombëtarë për rëndësinë dhe ndjeshmërinë e kësaj çështjeje”, tha ai.
Burimi origjinal i informacionit: zeri .info

