Melania Trump ka marrë pjesë në premierën e serialit të saj dokumentar “Melania, The Series” në New York, i cili është tani në dispozicion në platformën e transmetimit Prime Video që nga e premtja.
Në një bisedë me gazetarët gjatë tapetit të kuq, ajo evitonte të jepte detaje mbi bashkëshortin e saj, Donald Trump.
Gjatë një transmetimi të drejtpërdrejtë në One America News, një gazetare e pyeti për zakonet më të këqija të burrit të saj që publiku nuk i di.
Melania Trump buzëqeshi, tundi kokën dhe u përgjigj shkurt: “Kjo është private”.
Gazetari përpiqej ta bindte të zbulonte ndonjë zakon, por ajo tha vetëm: “Besim.
Besim dhe familje”.
E pyetur nëse e shqetësonin hetimet ndaj familjes Trump që demokratët planifikojnë të nisin në janar, ajo u përgjigj: “Kemi kaluar shumë dhe jemi mësuar me to.
Do t’u thoja të përqendrohen te pozitivet dhe të merren me kujdesin për Shtetet e Bashkuara, në vend që të humbasin kohë me hetime.” Hetimet do të udhëhiqen nga Komiteti Mbikëqyrës i Dhomës së Përfaqësuesve të SHBA-së.
Robert Garcia, përfaqësuesi demokrat nga Kalifornia, i cili pritet të drejtojë komisionin, kishte thënë më parë për CNN se qëllimi i hetimeve është “të ndalojë korrupsionin”.
Ai planifikon të dëgjojë nga Kristi Noem, Kimberly Guilfoyle, Donald Trump Jr., Eric Trump, Stephen Miller dhe Susie Wiles.
Burimi origjinal i informacionit: telegrafi .com

