Vdekja e Boksierit Lee Reeves në Moshën 31-vjeçare Pas Lëndimeve të Rënda

0
2
- Advertisement -

Boksieri irlandez Lee Reeves ka ndërruar jetë në moshën 31-vjeçare, tre muaj pas lëndimeve të rënda që pësoi gjatë një meçi në Dublin.

Lajmi i hidhur është konfirmuar nga kompania e tij promovuese, Queensberry, që bëri të ditur se boksieri nuk arriti të mbijetojë pasojave të lëndimeve të marra në ring.

Reeves u përball me bashkëkombësin Gary Cully më 1 gusht në duelin për titullin vakant BUI Celtic në kategorinë light-welterweight, i cili u zhvillua në palestrën “3Arena” në Dublin. 31-vjeçari pësoi nokaut në raundin e dhjetë, dhe pas përfundimit të meçit u nxor nga ringut me barelë dhe u dërgua menjëherë në spital.

Gjendja e tij u cilësua fillimisht si kritike, por stabile.

Ai iu nënshtrua një operacioni dhe që nga ajo kohë kishte qëndruar në koma të induktuar nga ana mjekësore.

Trajneri dhe miku i tij, Jonathan O’Brien, publikoi një mesazh prekës në rrjetet sociale, duke kujtuar luftën e madhe të boksierit për jetën. “Lamtumirë bir, pusho i qetë.

- Advertisement -

Luftove aq shumë deri në fund.

Të duam shumë.

Pusho në paqe me nënën dhe vëllain tënd që të presin në portat e parajsës.

Kujdesu për motrat dhe babanë tënd, jepu forcë për ta përballuar këtë dhimbje.

Të duam, Lee”, shkroi O’Brien.

Reeves, i njohur me nofkën “El Champo”, e kishte nisur karrierën si boksier profesionist në vitin 2018.

Gjatë karrierës së tij, ai zhvilloi 18 meçe, duke regjistruar 16 fitore.

Një pjesë të madhe të fillimit të karrierës e kaloi duke boksuar në Kanada dhe Kolumbi, para se të fitonte vëmendje me paraqitjet e tij në Britani të Madhe dhe Irlandë.

- Advertisement -

LEAVE A REPLY

Please enter your comment!
Please enter your name here