Kryeministri Kurti Takon Biznesmenët për Forumin Ekonomik Kosovë-Poloni

0
16
- Advertisement -

Kryeministri i Kosovës, Albin Kurti, ka zhvilluar një takim me përfaqësues të komunitetit të biznesit, ekspertë dhe ndërmarrës nga Kosova dhe Polonia, në prag të Forumit të Tretë Ekonomik Kosovë-Poloni, i cili do të mbahet në Prishtinë.

Gjatë këtij takimi, Kurti theksoi rëndësinë e rritjes së prodhimit vendor, shtimit të eksporteve dhe krijimit të partneriteteve të reja përmes investimeve në Kosovë.

Ai shprehu se synimi i vendit nuk duhet të jetë vetëm të shërbejë si treg për produktet e huaja, por edhe të zhvillojë kapacitetet prodhuese dhe të ofrojë produkte e shërbime për tregjet ndërkombëtare. “Nuk duam të jemi vetëm treg për të tjerët, por të ofrojmë produkte, shërbime dhe të bëhemi partnerë nëpërmjet investimeve në Republikën e Kosovës”, theksoi Kurti.

Sipas tij, Forumi i Tretë Ekonomik Kosovë-Poloni do të përqendrohet në tri fusha kryesore: ekonominë dhe qeverisjen digjitale, mbrojtjen dhe sigurinë kibernetike, si dhe zhvillimin e prodhimit, infrastrukturës dhe energjisë.

Kryeministri vlerësoi se ky forum paraqet mundësi të shkëlqyera për shkëmbimin e përvojave, krijimin e lidhjeve të reja ekonomike dhe identifikimin e mundësive për bashkëpunim ndërmjet dy vendeve.

Ai gjithashtu theksoi rëndësinë e partneritetit me Poloninë, si shtet anëtar i Bashkimit Evropian dhe NATO-s, duke theksuar se Kosova ka si qëllim anëtarësimin në këto organizata.

- Advertisement -

Forumi Ekonomik Kosovë-Poloni do të zhvillohet në Prishtinë gjatë dy ditëve të ardhshme, me pjesëmarrjen e përfaqësuesve institucionalë dhe të sektorit privat nga të dyja vendet.

Burimi origjinal i informacionit: zeri .info

- Advertisement -

LEAVE A REPLY

Please enter your comment!
Please enter your name here