Deputetja Shqipe Mehmeti-Selimi ka shprehur reagimin e saj në përvjetorin e gjashtë të arrestimit të bashkëshortit të saj, Rexhepit Selimi, nga Zyra e Prokurorit të Specializuar.
Ajo ka shpërndarë një pjesë të fjalimit të 10-shit në Hagë, ku shprehej krenar për angazhimin e tij për lirinë.
Mehmeti-Selimi theksoi se UÇK-ja do të mbetet përherë në histori.
Në postimin e saj, ajo tha: “Koha se kur do të kthehem në Kosovë tash e tutje varet nga vendimi juaj, por Prokuroria duhet ta kish kuptuar se, kurdo që të kthehem, unë do të kthehem në Kosovën e lirë, në Kosovën për të cilën jam krenar që i kam dalë zot në kohën më të duhur dhe për lirinë e së cilës kam qenë dhe mbetem i gatshëm ta jap edhe jetën, sa herë që do të kërkohej nga unë.” Burimi origjinal i informacionit: zeri .info
