Mesfushori portugez, Joao Neves, ka shprehur dëshirën e tij për të qëndruar te Paris Saint-Germain deri në fund të karrierës së tij, duke e përjashtuar mundësinë e ndonjë transferimi në ndonjë kampionat tjetër evropian.
Futbollisti 22-vjeçar është bërë një nga lojtarët më të rëndësishëm të skuadrës franceze, duke u vlerësuar gjithashtu si një nga mesfushorët e rinj më të mirë në futbollin botëror.
Neves ishte sërish në qendër të vëmendjes në fitoren bindëse të PSG-së me rezultat 6-0 ndaj Villarrealit në Ligën e Kampionëve, ku arriti të shënojë edhe një gol.
Në një deklaratë për të ardhmen e tij, reprezentuesi portugez bëri të qartë se nuk planifikon të largohet nga Parisi, pavarësisht interesimit nga klubet e tjera. “Joao dëshiron të qëndrojë këtu gjatë gjithë karrierës së tij.
Nuk e kam si objektiv të shkoj në Spanjë apo Angli.
Kam vetëm një objektiv: të ndihem mirë në jetën time dhe të fitoj këtu,” u shpreh Neves.
