Kourtney Kardashian dhe bashkëshorti i saj, Travis Barker, kanë zgjedhur të rikrijojnë çiftin e njohur nga filmi Scarface për festën e Halloween-it.
Ylli i reality show-t ka ndarë në Instagram disa fotografi nga një set fotografik, ku shfaqej me një paruke bionde dhe një fustan blu prej mëndafshi, të kombinuar me një pallto të bardhë me gëzof.
Ndërkohë, Barker shfaqej me një kostum gri, paruke të zezë dhe syze të mëdha aviatori, duke imituar pamjen e personazhit të njohur të Al Pacino-s. Çifti pozoi pranë një makine të vjetër kabriolet dhe në ambiente të ndryshme të rezidencës së tyre në Calabasas.
Në disa prej fotografive, ata përdorën edhe cigare dhe puro si pjesë të skenografisë.
Kourtney dhe Travis janë të martuar që prej vitit 2022 dhe janë prindër të djalit Rocky, i cili ka ardhur në jetë në vitin 2024.
Burimi origjinal i informacionit: telegrafi .com
