Rayan Ait-Nouri është i gatshëm për një transferim te Manchester United gjatë afatit kalimtar të janarit, pavarësisht konkurrencës mes dy klubeve të Manchesterit.
Manchester City tashmë ka caktuar çmimin për mbrojtësin e krahut, sipas mediave angleze.
Algjeriani u transferua në “Etihad Stadium” nga Wolves në verën e vitit 2025, por sezonin e kaluar regjistroi vetëm 17 paraqitje në Ligën Premier nën drejtimin e Pep Guardiolës.
Koha e tij e kufizuar në fushë ka vazhduar edhe pas emërimit të Enzo Marescas si trajner të skuadrës.
Trajneri i Cityt ka preferuar Nico O’Reilly dhe Josko Gvardiol për pozitat në krahun e majtë të mbrojtjes, duke i dhënë Ait-Nourit vetëm 168 minuta në të gjitha garat.
Kjo e bën largimin e tij në janar një mundësi të besueshme. 25-vjeçari e regjistroi vetëm paraqitjen e katërt të sezonit mbrëmjen e merkurës, kur u inkuadrua në pjesën e dytë në vend të Ayyoub Bouaddit.
Manchester City arriti të kalojë në çerekfinale të Carabao Cup, pasi triumfoi 4-3 në penallti.
Megjithatë, e ardhmja e Ait-Nourit në “Etihad” mbetet e paqartë.
Sipas TEAMtalk, drejtori sportiv i Cityt, Hugo Viana, dëshiron të zgjidhë situatën e tij para hapjes së afatit kalimtar të janarit.
Manchester United është një nga klubet që po monitoron zhvillimet rreth futbollistit, pas një tentative të dështuar për ta transferuar atë në formë huazimi në ditën e fundit të afatit kalimtar. “Djajtë e Kuq” po kërkojnë një mbrojtës të majtë pas lëndimit të Luke Shaw, dhe Ait-Nouri thuhet se është i gatshëm të bashkohet me rivalin e përbetuar të Cityt.
Ai nuk ka marrë pjesë në asnjërën prej tetë ndeshjeve të para të Manchester Unitedit në Ligën Premier, sipas raportimeve.
Reprezentuesi algjerian, i cili ka 33 paraqitje me kombëtaren dhe një kontratë me Cityn deri në qershor të vitit 2030, do të kërkonte rreth 35 milionë euro për transferimin e tij.
