Deputeti i PDK-së, Arian Tahiri, së bashku me kolegët asamblistë nga Mitrovica, kanë ndezur qirinj në nderim të kujtimit të Arlinda Zekajt, e cila humbi jetën në Vitomiricë të Pejës.
Përmes një postimi në Facebook, Tahiri shprehu se ky veprim simbolik është një shenjë solidariteti me familjen e të ndjerës dhe një thirrje për drejtësi e përgjegjësi institucionale.
Ai theksoi rëndësinë e mbrojtjes së jetës dhe dinjitetit të çdo gruaje, duke kërkuar që rasti të trajtohet me seriozitetin e duhur. “Ky gjest simbolik është një thirrje për drejtësi, përgjegjësi institucionale dhe mbrojtje të jetës e dinjitetit të çdo gruaje”, ka shkruar Tahiri.
Deputeti shprehu ngushëllimet e tij familjes së Arlindës, duke përfunduar me mesazhin: “Drejtësi për Arlindën!” Burimi origjinal i informacionit: zeri .info
