Deputetja e Aleancës, Time Kadrijaj, ka kërkuar llogaridhënie nga Qeveria pas vrasjes tragjike të Arlinda Zekajt në Pejë.
Ajo ka theksuar se institucionet duhet të mbajnë përgjegjësi për dështimin në mbrojtjen e saj.
Duke folur në Kuvend, Kadrijaj ka shprehur ngushëllimet e saj për familjen e Arlindës, ndërsa ka kritikuar eksponentët e Lëvizjes Vetëvendosje, të cilët, sipas saj, po përpiqen ta zhvendosin vëmendjen nga përgjegjësia institucionale. “Përgjegjësia është e këtyre njerëzve prapa këtu, e Qeverisë”, ka deklaruar Kadrijaj nga foltorja.
Ajo ka kërkuar shkarkime dhe llogaridhënie në hierarkinë institucionale, duke theksuar se Arlinda kishte kërkuar ndihmë nga Qeveria dhe institucionet. “Jepni përgjegjësi për ato që kanë ndodhur, shkarkime për njerëzit dhe për gjithë hierarkinë, sepse Arlinda i është drejtuar Qeverisë dhe institucioneve.
Përgjegjësia është e juaja, Qeveri, dhe ministrave tuaj”, ka thënë Kadrijaj.
Burimi origjinal i informacionit: zeri .info
