Filmi ‘Muji dhe Halili’: Legjenda e Kreshnikëve në Ekran

Legjenda e njohur e ciklit të Kreshnikëve po merr formë në ekranin e madh përmes filmit të ri të Turjan Hyskos, “Muji dhe Halili”.

Ky produksion ka arritur të tërheqë vëmendjen që në fazat e para të realizimit, dhe tashmë janë bërë të ditur dy emra të njohur që do të jenë pjesë e kastit: reperi Capital T dhe modelja Adrola Dushi.

Pjesëmarrja e tyre në këtë projekt kinematografik ka ngjallur shumë kuriozitet, veçanërisht për rolet që do të interpretojnë në një histori të thellë të lidhur me mitologjinë dhe traditën shqiptare. “Muji dhe Halili” rikthen në vëmendje personazhet legjendare të këngëve të Kreshnikëve, duke i përshtatur ato për një rrëfim kinematografik.

Deri tani, materialet e publikuara tregojnë një atmosferë të errët dhe misterioze.

Peizazhet e mbuluara nga mjegulla, tonet e ftohta, kostumet karakteristike të epokës dhe prania e kalorësve krijojnë një botë ku aventura, përplasja dhe e panjohura duken se do të jenë në qendër të ngjarjeve.

Përveç historisë së njohur, ky produksion premton një qasje vizuale që ndërthur elemente të legjendës me gjuhën e kinemasë moderne, duke sjellë një nga rrëfimet më të njohura të folklorit shqiptar përpara publikut të gjerë.

Në kastin e filmit do të jetë gjithashtu prezantuesja Orinda Huta, si dhe aktori dhe modeli, Erik Troqe.

Burimi origjinal i informacionit: telegrafi .com