Zyra e Bashkimit Evropian në Kosovë, nëpërmjet ushtrueses së detyrës së shefes, Eva Palatova, ka shprehur shqetësime për zhvillimet e fundit rreth emërimeve në Komisionin për Provimin e Jurisprudencës.
BE thekson se këto zhvillime ngrenë pikëpyetje për pavarësinë dhe paanshmërinë e sistemit të drejtësisë, si dhe për respektimin e parimeve të sundimit të ligjit.
Vendimi i Qeverisë për emërimin e anëtarëve të rinj nuk duhet të ndërpresë para kohe mandatin e anëtarëve aktualë, duke ngritur dilema për kushtetutshmërinë dhe ligjshmërinë e këtij veprimi.
BE bën thirrje që emërimet të jenë transparente, të bazohen në meritë dhe standarde evropiane.
Zyra e BE-së në Kosovë ka riafirmuar gatishmërinë për dialog dhe mbështetje në forcimin e sundimit të ligjit dhe institucioneve demokratike në vend.
