Vala e re e emërimeve diplomatike të SHBA-së në Ballkanin Perëndimor dhe përtej

Shtetet e Bashkuara kanë filluar një valë të re të emërimeve diplomatike për disa vende të Ballkanit Perëndimor dhe më gjerë, duke propozuar ambasadorë të rinj për Bosnje e Hercegovinën, Serbinë, Malin e Zi dhe Shqipërinë.

Në të njëjtën kohë, ka propozuar ambasadorë edhe për numër të madh shtetesh të tjera si El Salvadori, Azerbajxhani, Kamboxhia, etj.

Emërimi i ambasadorëve amerikanë kalon nëpërmjet një procedure kushtetuese të “këshillimit dhe pëlqimit” të Senatit, duke kaluar shqyrtimin nga Komiteti i Senatit për Punë të Jashtme dhe më pas miratimin nga Senati.