Turqia ka shprehur gatishmërinë për të zgjeruar bashkëpunimin me Japoninë në fushën e industrisë së mbrojtjes, me fokus të veçantë në zhvillimin dhe prodhimin e mjeteve ajrore pa pilot (UAV), të njohura ndryshe si dronë.
Ministri i Jashtëm turk, Hakan Fidan, vlerësoi se ky partneritet do të sjellë përfitime strategjike dhe teknologjike për të dy vendet.
Turqia, si një prodhues kryesor i dronëve në nivel global, synon të thellojë bashkëpunimin me Japoninë në sektorin e mbrojtjes dhe teknologjisë së avancuar.
Kryediplomati turk theksoi se ekziston potencial për bashkëpunim të dobishëm në shumë sektorë strategjikë, duke përfshirë energjinë, robotikën, inteligjencën artificiale dhe teknologjitë e avancuara.
