Një ngjarje e rëndë është regjistruar në Itali, ku një 15-vjeçar ka humbur jetën pas një incidenti në Liqenin e Komos.
Adoleshenti është hedhur nga një mol në zonën e Mandello del Lario dhe nuk ka dalë më në sipërfaqe.
Miqtë e tij kanë njoftuar shërbimet e emergjencës, ndërsa rojet bregdetare dhe një helikopter i zjarrfikësve kanë arritur në vendngjarje.
Autoritetet po hetojnë shkaqet e ngjarjes dhe dyshohet se riu është futur në një zonë ku hyrja ishte e ndaluar.
Kryebashkiaku Riccardo Fasoli bën thirrje për më shumë informim mbi rreziqet që rrezikojnë të rinjtë në zona të ndaluara.
