Vjellja, kokëdhimbja e temperatura janë disa nga simptomat e infeksionit gastrointestinal që po prek shumë pacientë në Qendrën Kryesore të Mjekësisë Familjare në Prishtinë.
Doktoresha Endrita Tori bën të ditur se ka vërejtur një numër të shtuar të rasteve me simptoma si vjellja, barkqitja, temperatura dhe dhimbje barku.
Ky fenomen ka prekur të gjitha grupmoshat, por është më alarmante tek fëmijët, të moshuarit dhe personat me sëmundje kronike. Është e rëndësishme që këto raste të trajtohen me kujdes për të parandaluar dehidrimin.
Klinika Infektive nuk ka dhënë informacion rreth trajtimit të pacientëve me këto simptoma.
Burimi origjinal i informacionit: zeri .info
