Scarlett Johansson ka tërhequr vëmendjen në premierën e filmit të saj të ri, “Paper Tiger”, e cila u mbajt në Festivalin e Filmit BFI në Londër.
Ajo u shfaq me një fustan të kuq elegant, që zbulonte tatuazhin e madh në shpinë.
Aktorja 41-vjeçare kishte zgjedhur një krijim të personalizuar nga Prada, duke e kombinuar këtë veshje me taka metalike dhe një gjerdan ari vintage me gur transparent.
Në tapetin e kuq, ajo u shfaq krah kolegut të saj, Adam Driver, i cili kishte zgjedhur një veshje tërësisht të zezë.
Filmi thriller, ku luan edhe Miles Teller, rrëfen historinë e dy vëllezërve që përpiqen të fitojnë para shpejt, por përfundojnë të përfshirë në një skemë të rrezikshme.
Teksa përballen me korrupsionin dhe dhunën, ata dhe familja e tyre bëhen shënjestër e mafias ruse.
Filmi pritet të dalë në kinema më 13 nëntor, pasi mori një duartrokitje dhjetëminutëshe në këmbë gjatë premierës në Festivalin e Filmit në Kanë.
Ndërkohë, Johansson ka shënuar edhe një tjetër sukses në karrierë.
Pas publikimit të filmit “Jurassic World Rebirth”, ajo u rendit si aktorja kryesore me të ardhurat më të larta në histori, duke kaluar Samuel L.
Jackson dhe Robert Downey Jr.
Burimi origjinal i informacionit: telegrafi .com
