Mbi 50 raste të reja me fruth janë regjistruar në nivel vendi, ndërsa vetëm në Prishtinë janë evidentuar 17 raste të reja, një situatë që institucionet shëndetësore e konsiderojnë alarmante.
Drejtori i Qendrës Kryesore të Mjekësisë Familjare në Prishtinë, Valdet Hashani, ka thënë se rritja e rasteve lidhet drejtpërdrejt me rënien e përqindjes së vaksinimit të fëmijëve.
Hashani gjithashtu ka hedhur poshtë pretendimet për lidhje mes vaksinës MMR dhe autizmit, duke thënë se nuk ekziston asnjë dëshmi shkencore për këtë.
Ai ka bërë thirrje prindërve dhe mediave që të kontribuojnë në rritjen e vetëdijes për rëndësinë e vaksinimit.
Sipas Hashanit, vaksinimi ka qenë një nga historitë më të suksesshme të sistemit shëndetësor në Kosovë, por dezinformatat kanë ndikuar në rënien e mbulueshmërisë me vaksinën kundër fruthit.
Burimi origjinal i informacionit: zeri .info
