Kryeministri i Shqipërisë, Edi Rama, mbrojti të mërkurën vendimin për të shpenzuar 4 milionë euro për koncertin e reperit amerikan Kanye West, i cili do të mbahet më 11 korrik.
Kanye West, i njohur edhe si Ye, është ndaluar të performojë në disa vende evropiane gjatë kësaj vere, pas deklaratave të tij që kanë përfshirë lavdërime për Adolf Hitlerin dhe përmbajtje me simbole naziste.
Koncerti, i planifikuar për 11 korrik, do të mbahet në një stadium të improvizuar i ndërtuar posaçërisht për këtë ngjarje, në periferi të Tiranës.
Rama tha se aktiviteti pritet t’i sjellë Shqipërisë të paktën 100 milionë euro të ardhura, pas rritjes së ndjeshme të rezervimeve në hotele dhe struktura akomoduese gjatë periudhës së koncertit.
Protesta të përditshme po zhvillohen në Tiranë prej më shumë se një muaji, ndërsa kërkojnë dorëheqjen e Edi Ramës për korrupsion.
Burimi origjinal i informacionit: telegrafi .com
