Presidenti rus Vladimir Putin ka përdorur fjalimin e tij vjetor të Ditës së Fitores në Sheshin e Kuq të Moskës për të justifikuar luftën e tij në Ukrainë dhe për të denoncuar NATO-n.
Duke folur para qindra ushtarakëve dhe i shoqëruar nga disa udhëheqës botërorë, Putin e quajti Ukrainën një “forcë agresive” që po “armatoset dhe mbështetet nga i gjithë blloku i NATO-s”.
Komentet e tij vijnë mes festimeve të heshtura në pjesë të Rusisë për të shënuar festën më të madhe kombëtare të vendit, e cila përkujton fitoren e Bashkimit Sovjetik ndaj Gjermanisë naziste.
Përpara festimeve, Rusia dhe Ukraina ranë dakord të respektojnë një armëpushim tre-ditor.
Për herë të parë në gati dy dekada, asnjë pajisje ushtarake nuk u shfaq në paradën e Ditës së Fitores në Moskë.
Por nën masa të rrepta sigurie, personeli ushtarak marshoi në masë nëpër Sheshin e Kuq.
Putin e filloi fjalimin e tij duke përkujtuar sakrificat e ushtarëve të BRSS gjatë Luftës së Dytë Botërore dhe duke iu referuar luftës në Ukrainë, duke thënë: “Bëma e madhe e brezit të fitimtarëve frymëzon ushtarët që zbatojnë qëllimet e operacionit special ushtarak sot”.
