Ministri në detyrë i Infrastrukturës dhe Transportit, Dimal Basha, ka informuar se punimet në kyçjen e Mazgitit po vazhdojnë me intensitet të lartë, pasi segmenti rrugor është përballur sërish me dëmtime.
Basha theksoi se gjendja e këtij segmenti rrugor është ngritur si një çështje publike, duke përmendur se segmenti ishte rehabilituar në vitin 2023 dhe riparuar sërish në vitin 2025.
Ministri tha se dëmet dyshohet të jenë shkaktuar nga depërtimi i ujërave nën trupin e rrugës, në zonën ku kalojnë gypat e ujësjellësit të KRU ‘Prishtina’.
Ai po koordinon me KRU ‘Prishtina’ për të identifikuar dhe eliminuar shkakun e saktë të dëmtimeve, duke siguruar një zgjidhje të qëndrueshme.
Për shkak të rëndësisë së segmentit për qarkullimin dhe sigurinë e qytetarëve, është ndërmarrë një ndërhyrje e përkohshme për garantuar sigurinë e trafikut deri në zgjidhjen përfundimtare të problematikës.
Burimi origjinal i informacionit: zeri .info
