Nga e marta e javës së ardhshme punëtorët teknikë të shkollave fillore të komunës së Prishtinës nuk do të paraqiten fare në vendet e tyre të punës për shkak të mospagesës së pagave për muajin qershor.
Ky vendim është marrë në mbledhjen e sotme me kryetarët e shoqatave sindikale të punëtorëve teknikë të këtyre shkollave.
Kryetari i Sindikatës së Punëtorëve të Sektorit Privat, Jusuf Azemi, tha se nëse deri të martën nuk realizohen pagesat, atëherë mund të ketë edhe protesta.
Ai tha se janë lodhur nga kjo situatë, pasi pagat për këta punëtorë nuk paguhen asnjëherë me kohë.
Ndërsa, përfaqësuesi i punëtorëve teknikë të shkollave, Milaim Sopi, u shpreh se mungesa e pagave ua vështirëson jetesën këtyre punëtorëve, të cilët kujdesen për mirëmbajtjen e shkollave.
Burimi origjinal i informacionit: zeri .info
