Prokuroria Themelore në Pejë ngrit 371 aktakuza ndaj 458 personave për vepra penale

Prokuroria Themelore në Pejë ka njoftuar se gjatë tre muajve janar, shkurt dhe mars, ka ngritur gjithsej 371 aktakuza kundër 458 personave për vepra penale të ndryshme.

Nga departamenti i krimeve të rënda, departamenti i përgjithshëm dhe për të mitur, prokurorët e shtetit kanë ngritur 371 aktakuza ndaj 458 personave për lloje të ndryshme të veprave penale nga Kodi Penal i Republikës së Kosovës.

Mesatarja e ngritjes së aktakuzave për muaj është 124, me rreth 153 persona të akuzuar për një muaj pune.

Prokuroria Themelore në Pejë ka shprehur përkushtimin e tyre në luftimin e dukurive negative dhe personave që shkelin ligjin sipas Kodit Penal të Kosovës.