Princi Harry dhe Meghan Markle kanë ndarë momente nga pushimet e tyre verore në Evropë, ndërsa një raport i revistës amerikane People zbulon se çifti ka qëndruar në Althorp, shtëpinë e fëmijërisë së Princeshës Diana, së bashku me fëmijët e tyre Archie dhe Lilibet.
Në fotografitë e publikuara nga Meghan në Instagram, Lilibet shihet duke ecur në rrugën e famshme me pemë të pronës Althorp në Northamptonshire, pranë ishullit privat në një liqen ku është varrosur Diana.
Përpara saj ndodhen Harry dhe Archie, të cilët mbajnë buqeta me lule për t’i vendosur te varri i Princeshës Diana dhe memoriali aty pranë.
Në një tjetër imazh, Meghan shihet duke pushuar në një shezlong pranë Earl Spencer dhe bashkëshortes së tij, Dr.
Cat Jarman, ndërsa përkëdhel qenin e saj të shpëtuar, Mamma Mia.
Fotot e publikuara nga Meghan, të shoqëruara me përshkrimin “Pushime Verore”, tregojnë gjithashtu momente nga Portugalia, ku çifti thuhet se kaloi kohë përpara udhëtimit të Harry-t në Britani.
Një tjetër fotografi e peizazhit ka ngritur dyshime se familja mund të ketë vizituar edhe Skocinë, pasi pamja duket se përkon me liqenin Glascarnoch në Malësitë e Ulëta.
Burimi origjinal i informacionit: telegrafi .com
