Paris Hilton ka zbuluar mënyrën e pazakontë që përdor prej vitesh për të kaluar pa u vënë re në vende publike. 45-vjeçarja tregoi se kur dëshiron të dalë e qetë, për shembull në Disneyland apo në qendra tregtare gjatë fundjavave, vendos një paruke brune.
Sipas saj, kjo është një metodë që e përdor shpesh, por nuk do të lyente flokët përgjithmonë në këtë ngjyrë, pasi dëmtimi i flokëve nga kalimi i shpeshtë nga brune në bionde nuk do t’i përshtatej, shkruan DailyMail.
Hilton zbuloi se pikërisht kjo pamje me flokë të errët u përdor edhe gjatë sfilatës së Gucci-t në New York në maj, me idenë e drejtorit kreativ Demna Gvasalia.
Ajo tha se i pëlqeu shumë ndryshimi dhe se flokët brune janë pikërisht mënyra që përdor kur dëshiron të maskohet.
Ndërkohë, Hilton vazhdon të shfaqet me flokët e saj karakteristikë biondë platini në eventet publike.
Ajo ka thënë se nuk e konsideron veten një person që ndjek trendet, por dikë që i nis ato dhe zakonisht është përpara modës.
Zbulimi vjen në një kohë kur Hilton ka konfirmuar se po planifikon një projekt të ri me mikeshën e saj të vjetër, Nicole Richie.
Burimi origjinal i informacionit: telegrafi .com
