Pamela Anderson ka bërë një deklaratë surprizuese lidhur me rikthimin e serialit ikonik ‘Baywatch’, duke zbuluar se nuk është kontaktuar nga producentët e versionit të ri që pritet të shfaqet në vitin 2027.
Aktorja 59-vjeçare, e cila u bë e famshme në rolin e rojes bregdetare CJ Parker, tha në një intervistë se askush nga ekipi i serialit nuk i ka ofruar as një rol të shkurtër në projektin e ri. ‘Askush nuk më ka kontaktuar.
Nuk di shumë për këtë’, u shpreh Anderson.
Megjithatë, ajo zbuloi se producentët kishin zhvilluar bisedime me dy djemtë e saj, Brandon Thomas Lee dhe Dylan Jagger Lee, të cilët i ka me ish-bashkëshortin Tommy Lee.
Anderson ishte pjesë e ‘Baywatch’ nga viti 1992 deri në 1997 dhe riktheu personazhin e saj në filmin ‘Baywatch: Hawaiian Wedding’ në vitin 2003.
Seriali i ri, ku do të luajnë Brooks Nader, Shay Mitchell dhe Stephen Amell, është planifikuar të ketë premierën në janar të vitit 2027 në Fox dhe më pas do të jetë i disponueshëm edhe në Hulu.
Duke reflektuar mbi eksperiencën e saj në serial, Anderson tha se ‘Baywatch’ ishte një punë që e shijonte çdo ditë dhe që i hapi dyert e famës ndërkombëtare, por tani dëshiron të fokusohet në projekte të reja dhe role të ndryshme.
Burimi origjinal i informacionit: telegrafi .com
